Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 214 Hüküm no: 369 Orijinal metin no: [61a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bulgurlu mahallesinde oturan İbrahim’in Hüseyin’e emanet verdiği eşyası ile ilgili iddiasında haksız olduğu Ma‘rûz-ı dâ‘î-i devletleridir ki, Üsküdar’da Bulgurlu mahallesinde sâkin el-Hâc İbrahim hasmı Hüseyin muvâcehesinde târih-i i‘lâmdan iki sene mukaddem mezbûr Hüseyin’e Üsküdar’da Yeniçeşme önünde çörekçi dükkânında mâlımdan nakid yirmi beş guruş ile on bir guruş kıymetli bir gümüşlü tüfengimi alâ-tarîkı’l-emâne teslîm eylemişdim, hâlâ zimmetinde kalmağla taleb ederim deyü da‘vâ, mezbûr Hüseyin dahi cevâbında fi’l-vâki‘ yirmi beş guruş ile bir gümüşlü tüfengi bi-tarîkı’l-emâne ahz eylediğini ikrâr lâkin târih-i i‘lâmdan bir buçuk sene mukaddem meblağ-ı merkūm yirmi beş guruş ile zikrolunan tüfengi mezbûr el-Hâc İbrahim’e teslîm eylediğim ecilden zimmetim berî olmuşdur deyü def‘le mukābele ve gıbbe’l-istintâk ve’l-inkâr mezbûr Hüseyin ümenâdan? olup yemîniyle tasdîk olunmağın ba‘de’t-tahlîfi’ş-şer‘î mûcebince mezbûr el-Hâc İbrahim bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu, el-emrü men lehu’l-emr. Fî 10 C sene 1155