Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 218 Hüküm no: 376 Orijinal metin no: [62a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Selami mahallesinde Arakil’in hamr bedelinden dolayı Asvador’dan alacağı olmadığı Ma‘rûz, Üsküdar’da Selâmi mahallesinde sâkin Arakil zimmî hasmı Asvador zimmîden târih-i i‘lâmdan altı ay mukaddem menzilimden beher vakıyyesi üçer para kıymetli dört yüz vakıyye hamrımı benim iznim yoğiken merkūm Asvador ahz u gasb eyledi deyü iddi‘â, ol dahi cevâbında merkūmun tarafından zevcesi Bağaçe? nâm Nasrâniye bana dört guruşa ki ancak altmış dört vakıyye hamr bey‘ edip meblağ-ı merkūmu yedinden ahz u kabz eyledikden sonra mesfûr Arakil dahi iştirâ eylediğim hamra ve gayra müte‘allika âmme-i da‘vâdan benim zimmetimi ibrâ eyledi deyü ref‘ u def‘, mezkûreteyni udûlden el-Hâc Mehmed b. Ömer ve Mehmed Beşe b. Mustafa şehâdetleriyle mezbûrun muvâcehesinde vech-i şer‘î üzere isbât etmeğin mûcebince merkūm Arakil bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 9 C sene [1]155