Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 225 Hüküm no: 392 Orijinal metin no: [64a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kadıköy’de Ümmügülsüm’ün kızı Ayşe’nin çocukları için Halil’den taleb ettiği nafakanın ödenmesi Ma‘rûz, Vâki‘ olan mevâddı istimâ‘ için cânib-i şer‘-i hatîrden me’zûnen irsâl olunan Ahmed Efendi dâ‘îleri Üsküdar’a tâbi‘ Kādı karyesine varıp ba‘de akdi’l-meclis zâtı vech-i şer‘î üzere mu‘arrefe Ümmihani nâm hatun meclis-i mezkûra ihzâr eylediği kızı Âişe’nin sâbıkā zevci Halil ile ba‘de’l-mürâfa‘a bi-hakkı’l-hıdâne terbiyemde olan sagīre Ümmügülsüm’ün bâ-hüccet-i şer‘iye nafaka-i mefrûza-i müstedânesinden külle yevm sekizer akçeden on iki ayda müctemi‘ olan yirmi dört guruşun iki guruşunu ahz u kabz bâkī yirmi iki guruşu taleb ederim deyü ba‘de’d-da‘vâ ve’l-ikrâr mûcebince meblağ-ı merkūm yirmi iki guruşu müdde‘iyye-i mezbûre Ümmühani’ye edâ ve teslîme mezbûr Halil Çelebi’ye tenbîh-i şer‘î eylediğini mezbûr dâ‘îleri mahâllinde tahrîr ve ümenâ-i şer‘le gelip inhâ ve ihbâr eylediği bi’l-iltimâs huzûr-ı âlîlerine i‘lâm. Fî 19 Cumâdelâhire sene 1155