Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 230 Hüküm no: 404 Orijinal metin no: [65b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf’un Hüseyin’e olan borcunu ödemesi Ma‘rûz, Sahib-i arzuhâl el-Hâc Hüseyin b. Kasım b. Abdullah tarafından ber-vech-i âtî vekîl olduğu Ali Ağa b. Mehmed ve Ahmed Ağa b. Mehmed şehâdetleriyle sâbit olan Süleyman Efendi hasmı olup çavuş kulları mübâşeretiyle ihzâr-ı şer‘-i şerîf olunan Yusuf ile mürâfa‘a-i şer‘-i şerîf olduklarında mezbûr Yusuf bin yüz elli dört senesi Şa‘bân’ı gurresinde ber-mûceb-i temessük müvekkil-i mezbûrdan istikrâz ve ahz ve mesârifine sarfla istihlâk eylediği yedi yüz yirmi guruş ile beynlerinde ma‘lûm sâ‘at bahâsından dahi otuz guruş ki cem‘an yedi yüz elli guruş zimmetinde müvekkil-i mezbûr el-Hâc Hüseyin’e deyni olduğu mezbûr Yusuf’un ikrârıyla sâbit olmağın ikrârı mûcebince meblağ-ı mecmû‘-ı merkūm yedi yüz elli guruşu müvekkil-i mezbûr için vekîl-i mezbûra edâ ve teslîme mezbûr Yusuf’a tenbîh-i şer‘î olunduğu huzûr-ı âlîlerine i‘lâm olundu. Fî-gurreti Recebi’l-ferd sene 1155