Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 231 Hüküm no: 406 Orijinal metin no: [65b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmet ile Abdülkerim Efendi arasındaki hizmet bedeli davasında anlaşma sağlandığı Ma‘rûz, Arzuhâl sahiblerinden Ahmed hasmı Abdülkerim Efendi’den beher şehr onar guruş ücret-i müsemmâ ile yirmi dört ay hizmetim sebkat etmekle ücret-i mezkûrumdan zimmetinde bâkī yüz yetmiş altı guruşum kaldı deyü eylediği da‘vâsından bâ-vesâtet-i muslihûn mezbûr Abdülkerim Efendi ile otuz yedi guruşa sulh ve bedel-i sulhu kabz edip ve mezbûr İsmail dahi on iki ay ücret tesmiyesiz hizmetim sebkat eyledi deyü eylediği ecr-i misl da‘vâsından mezbûr Abdülkerim Efendi ile on beş guruşa sulh ve bedel-i sulhu kabz eyledikden sonra mezbûrân Ahmed ve İsmail her biri ücretlerine müte‘allika âmme-i da‘vâdan mezbûr Abdülkerim Efendi’nin zimmetini ibrâ ve ıskāt edip bu vechile kat‘-ı münâza‘a eyledikleri mübâşir kulları iltimâsıyla huzûr-ı âlîlerine i‘lâm olundu. Fî-gurreti Recebi’l-ferd sene 1155