Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 234 Hüküm no: 411 Orijinal metin no: [66b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mumcu Angeli’nin mirasına eşi Fatuni ile Ağyan’ın vasî olduğu ve kassam defterindeki kayıtlara göre alacakların tahsili Ma‘rûz, Medîne-i Üsküdar’da Yeni mahallede sâkine olan sahibe-i arzuhâl Fatuni Nasrâniyenin mukaddemâ hâlik olan zevci Mumcu Angeli nâm zimmînin verese-i sıgārına mezbûre Fatuni bâ-hüccet-i şer‘iyye vasî <> ve terekesine bi’l-vesâye vâzı‘atü’l-yed olup lâkin mezbûre Fatuni üzerine zamm-ı vasî olunan yine mahalle-i mezbûre sükkânından Ağyan zimmî ile hâlik-i mezbûrun zimem-i nâsda olan defter <> mûcebince hukūkunu her biri ahz u kabzlarında nizâ‘ etmeleriyle defter-i kassâmda tasrîh olunduğu vech üzere ashâb-ı zimemden ba‘zı Pîrî Paşa’da ve ba‘zı Hasköy’de ve sâir mahallerde olduğuna binâen şer‘le tefahhus olunmak için ashâb-ı zimem Üsküdar’a ihzârları müte‘assir olduğuna binâen mahallerine kıbel-i şer‘den kâtib <> dâ‘îleri irsâl ve husûslarına vech-i şer‘î üzere nizâm verilmesi için emr-i âlîlerine muhtâc olmağla bi’l-iltimâs huzûr-ı âlîlerine i‘lâm olundu. Fî 10 Recebi’l-ferd sene 1155