Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 235 Hüküm no: 412 Orijinal metin no: [66b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tuzla köyünde İbrahim’in Ahmet’ten satın aldığı koyun gübresinin kendisine teslim edilmesi talebi Ma‘rûz, Üsküdar’a muzâfe Adalar nâhiyesine tâbi‘ Sultan Yıldırım Bâyezid Hazretleri Vakfı’ndan Tuzla karyesi ahâlîsinden İbrahim yine karye-i mezbûrede Ahmed nâm kimesne mahzarında mezbûr Ahmed karye-i mezbûrede vâki‘ ağılın koyun ağılında on beş seneden beri korucu olup hizmeti mukābelesinde ağıl-ı mezbûrede bir senede cem‘ eylediği ma‘lûmü’l-mikdâr koyun gübresini bundan akdem bana otuz guruşa bey‘ ve teslîm ve kabz-ı semen etmiş iken hâlâ gübre-i mezkûru âhar kurâ ahâlîsine hilâf-ı kadîm fuzûlî bey‘ (…) eder deyü da‘vâ ettikde mezbûr Ahmed dahi bu vech-i muharrer bey‘ini ikrâr ve i‘tirâf edip mûcebince gübre-i mezkûra müdâhale eylememek üzere mezbûr Ahmed’e tenbîh olundukdan sonra ağıl-ı mezbûrda kadîmü’l-eyyâmdan ilâ-hâzihi’l-vakt senede cem‘ ve hâsıl olan koyun gübresinin karye-i mezbûre ahâlîlerine lüzûmu olduğuna binâen karye-i mezbûr ahâlîleri iştirâ edegeldiklerini müseccelü’l-esâmî kimesneler ihbâr ve âhardan müdâhale olunmamak bâbında emr-i âlî ricâ eyledikleri bi’l-iltimâs huzûr-ı âlîlerine i‘lâm olundu. Fî 10 Recebi’l-ferd sene 1155