Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 128 Hüküm no: 11 Orijinal metin no: [2a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Ahmed’in kaybettiği koyunu için açtığı davanın reddedildiği Ma‘rûz Medîne-i Üsküdar’da İhsaniye mahallesinde sâkin Hüseyin b. Ahmed medîne-i mezbûrede mahfil-i bâbda meclis-i şer‘-i hatîrde Kahveci es-Seyyid el-Hâc Ali b. Osman mahzarında ben hâlâ hizmetinde olduğum Bâbüssa‘âde ağasının koyunlarını mahalle-i mezbûre civârında vâki‘ tarlada ra‘y ederken târih- i‘lâmdan iki gün mukaddem dokuz guruş kıymetli bir aded Karaman koyunu zâyi‘ olup lâkin zikr olunan koyun mezbûr es-Seyyid el-Hâc Ali’nin dükkânı önünde gezerken rü’yet olunmuş câiz ki mezbûr es-Seyyid el-Hâc Ali ahz etmiş ola binâen-aleyh zikr olunan koyunu mezbûrdan taleb ederim deyü takrîri üzere tasaddî eylediği da‘vâsı meşrû‘a olmayıp iltifât olunmadığı bi’l-iltimâs huzûr-ı âlîlerine i‘lâm olundu. Fî 5 min-Ca sene 1204