Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 132 Hüküm no: 21 Orijinal metin no: [3a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine, Ayşe ve Emetullah’ın miras mallarından Ömer Beşe’nin almış olduğu borcun vasilerine ödenmesi Ma‘rûz Medîne-i Üsküdar’da Kādıasker mahallesi sâkinlerinden Emine ve Âişe ve Emetullah nâm sagīrelerin anaları ve vasîleri mu‘arrefetü’z-zât Meryem bt. Halil nâm hatun mahfil-i bâbda meclis-i şer‘-i hatîrde Ömer Beşe b. el-Hâc Hasan mahzarında mezbûr Ömer Beşe târih-i i‘lâmdan bir sene mukaddem vasîleri olduğum sagīrânın mâllarından olmak üzere yedimden iktirâz ve kabz ve umûruna sarfla istihlâk eylediği yirmi yedi buçuk guruş ve bir rub‘u bi’l-vesâye taleb ederim deyü ba‘de’d-da‘vâ ve’l-ikrâr mûcebiyle meblağ-ı merkūm yirmi yedi buçuk guruş ve bir rub‘un edâsıyla mezbûr Ömer Beşe şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 15 min-Ca sene 1204