Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 138 Hüküm no: 33 Orijinal metin no: [4a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çavuş Camii’nin imam ve hatibliğine Seyyid Receb Halife’nin tayin edildiği Der-i devlet-mekîne arz-ı dâ‘î-i kemîne oldur ki, nezâret-i dâ‘îlerinde olan evkāfdan medîne-i Üsküdar’a tâbi‘ Ören karyesinde vâki‘ merhûm Mehmed Çavuş Câmi‘-i şerîfi’nde yevmî on üç akçe vazîfe ile imâmet ve hitâbet cihetlerine mutasarrıf olan es-Seyyid Abdurrahman Halîfe b. Ebûbekir kendi hüsn-i ihtiyârıyla ciheteyn-i mezkûreteynden kasr-ı yed ve erbâb-ı istihkākdan işbu bâ‘is-i arz-ı ubûdiyet es-Seyyid Receb Halîfe b. Mehmed’e ferâgat etmeğin ciheteyn-i mezkûreteyn vazîfe-i mersûmesiyle mezbûr es-Seyyid Abdurrahman kasr-ı yedinden mezbûr es-Seyyid Receb Halîfe’ye tevcîh ve yedine berât-ı şerîf-i âlî-şân ihsân buyurulmak ricâsına bi’l-iltimâs pâye-i serîr-i a‘lâya arz olundu. Fî 11 min-Ca sene 1204