Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 139 Hüküm no: 35 Orijinal metin no: [4a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zenci Selime bt. Abdullah’ın boşandığı kocasından kalan mehir bedelini alması ve nafaka takdiri Ma‘rûz Mevâdd-ı şer‘iye istimâ‘ı’çün kıbel-i şer‘-i şerîfden meb‘ûs Abdullah Efendi dâ‘îleri medîne-i Üsküdar’a tâbi‘ Kādı karyesine varıp mazbûtü’l-esâmî Müslimîn huzûrlarında akd-i meclis-i şer‘-i şerîf ettikde karye-i mezbûrede sâkine ve zâtı mu‘arrefe Selime bt. Abdullah nâm Zenciye meclis-i ma‘kūd-ı mezkûrda zevc-i sâbıkı Ali b. Ahmed nâm kimesne mahzarında mezbûr Ali on guruş mehr-i müeccel tesmiyesiyle zevc-i dâhilim olup târih-i i‘lâmdan bir ay mukaddem beni tatlîk etmekle mehr-i mezkûrum ile bakıye-i nafaka iddet-i ma‘lûme ve meûnet-i süknâmı zevc-i mutallıkım mezbûrdan hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle mehr-i müeccel-i merkūm on guruşun edâsıyla mezbûr Ali ilzâm olundukdan sonra müdde‘iye-i mezbûre Selime bakıye-i nafaka-i iddet-i ma‘lûme ve meûnet-i süknâsı’çün zevc-i mutallıkı mezbûr Ali ile üç guruş üzerine terâzî eyledikleri ba‘de’l-inhâ bi’l-iltimâs huzûr-ı âlîlerine i‘lâm olundu. Fî-selhi Ca sene 1204