Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 141 Hüküm no: 40 Orijinal metin no: [4b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Mehmed’in, Seyyid Mehmed’e açtığı yaralama davasında sulh olduğu Ma‘rûz Medîne-i Üsküdar’da Selami mahallesinde sâkin ve başının sol tarafından ber-vech-i âtî Yatağan bıçağı yarasıyla muvâzzahaten meşcûc idiği lede’l-keşf ve’l-mu‘âyene zâhir olan Mustafa b. Mehmed medîne-i mezbûrede mahfil-i bâbda meclis-i şer‘-i hatîrde es-Seyyid Mehmed b. Ahmed mahzarında mezbûr es-Seyyid Mehmed târih-i i‘lâmdan bir gün mukaddem vakt-i mağribde medîne-i mezbûrede Çingene fırını nâm mahâlde bi-gayrı hakkın amden Yatağan bıçağı ile başımın sol yanından darb ü cerh ve muvâzzahaten şecc etmekle mûcib-i şer‘îsini taleb ederim deyü eylediği cerh da‘vâsından an-inkârin altı guruş bedel-i makbûz mukābelesinde mezbûr es-Seyyid Mehmed ile sulh olup şec ve cerh-i mezkûra ve mâ-yuhdesü minhe müte‘allika âmme-i de‘âvîden mezbûr es-Seyyid Mehmed’in zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 19 min-Cumâdelûlâ sene 1204