Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 141 Hüküm no: 41 Orijinal metin no: [4b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçıvan Aleksan’ın kardeşi oğlu adına açtığı alacak davasının reddedildiği Ma‘rûz Medîne-i Üsküdar’da Atpazarı kurbünde Bağçevân Aleksan v. Hıristo nâm zimmî medîne-i mezbûrede mahfil-i bâbda meclis-i şer‘-i hatîrde Yorgi v. Dovin nâm zimmî muvâcehesinde gāib ani’l-beled karındaşım oğlu İsteryo v. Mitro nâm zimmînin işbu merkūm Yorgi zimmî zimmetinde cihet-i karzdan on sekiz guruş alacak hakkı olup ben gāib-i merkūmun ammisi olmamla binâen-aleyh meblağ-ı merkūm on sekiz guruşu merkūm Yorgi zimmîden taleb ederim deyü müdde‘î-i merkūmun ber-vech-i muharrer takrîri üzere tasaddî eylediği da‘vâ-yı gayr-ı meşrû‘asına iltifât olunmadığı bi’l-iltimâs huzûr-ı âlîlerine i‘lâm olundu. Fî 15 min-Ca sene 1204