Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 142 Hüküm no: 42 Orijinal metin no: [4b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yemenici İstefan v. Ağya’nın Yahudi Meşalem v. Mayer’e açtığı alacak davasında sulh oldukları Ma‘rûz Medîne-i Üsküdar’da Davudpaşa mahallesinde mütemekkin Yemenici İstefan v. Ağya nâm zimmî medîne-i mezbûrede mahfil-i bâbda meclis-i şer‘-i hatîrde Meşalem v. Mayer nâm Yahûdî muvâcehesinde merkūm Meşalem târih-i i‘lâmdan on ay mukaddem yedimden iştirâ ve kabz eylediği değirmi ve fiyâtı beynimizde ma‘lûm yemeni semeninden yirmi guruş zimmetinde hakkım olmağla taleb ederim deyü eylediği da‘vâsından bâ-tavassut-ı muslihîn on üç guruş bedel-i makbûz mukābelesinde merkūm Meşalem Yahûdî ile sulh olup ziyâde müdde‘âsı olan yedi guruşa müte‘allika âmme-i da‘vâdan merkūm Meşalem Yahûdî’nin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 17 min-Ca sene 1204