Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 149 Hüküm no: 55 Orijinal metin no: [6a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Hasan adlı çocuğu gulamı olduğu iddiasıyla başkasına satmak isterken yakalanan Hamal Ali’nin çocuğun babasıyla anlaşmalı olduğu Ma‘rûz Medîne-i Üsküdar’da Yeniçeşme nâm mahâlde hür satıcı olmak üzere Üsküdar ustası ma‘rifetiyle ahz ve meclis-i şer‘a ihzâr olunan Kasımpaşa sükkânından Hammâl Ali b. Osman işbu hâzır bi’l-meclis takrîben sekiz yaşında es-Seyyid Hasan nâm sagīr için mezbûr Ali benim gulâmımdır deyü âhara bey‘ edeceğim ve pençik kâğıdı yedimdedir deyü takrîrini el-Hâc Mehmed b. Nasuh ve Mehmed Said Ağa b. Abdullah nâm kimesneler mezbûr Ali muvâcehesinde ba‘de’l-ihbâr sagīr-i merkūm istintâk olunup Kasımpaşa[da] Kayıkcı Mahmud b. Hasan’ın oğlu olduğunu haber vermekle mezbûr Mahm[u]d dahi meclis-i şer‘a ihzâr ve suâl olundukda sagīr-i mezbûr sulbî oğlum olup vâlidesi mutallakam alîle olmağla bir kimesneye evlâdlığa ver deyü mezbûr Ali yedine târih-i i‘lâmdan iki gün mukaddem teslîm etmiş idim dedikde mezbûr Ali sagīr-i mezbûru babası mezbûr Mahmud âhara bey‘ eyle deyü yedime teslîm ben dahi âhara [bey‘] irâdesinde olmuş idim deyü mezbûr Hammâl Ali ile mezbûr Mahmud’un takrîrleri ustası kulları mübâşeretiyle huzûr-ı âlîlerine i‘lâm olundu. Fî 15 min-C sene 1204