Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 150 Hüküm no: 56 Orijinal metin no: [6a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayınvalidesi ve kayınatasıyla birlikte aynı evde kalan Habibe’nin isteği üzerine kocası Yahya’nın ayrı bir ev tutup orada iskan ettirmeyi taahhüt ettiği Ma‘rûz Medîne-i Üsküdar’a tâbi‘ Bulgurlu karyesinde sâkine ve zâtı vech-i şer‘î üzere mu‘arrefe olan Habibe bt. el-Hâc İbrahim nâm hatun meclis-i şer‘-i hatîrde hâlâ zevci Yahya b. Davud mahzarında zevcim mezbûr beni vâlidesi Fatıma ve babası mezbûr Davud ile ma‘an karye-i mezbûrede menzilde iskân etmekle galk [ve] merâfıkı başka medîne-i mezbûre mahallâtından bir mahallede bir menzilde iskâna tenbîh olunmak matlûbumdur deyü da‘vâ ve mezbûr Yahya cevâbında ikrâr ü i‘tirâf edip fîmâ-ba‘d zevcesi mezbûre Habibe’yi medîne-i mezbûrede Solaksinan mahallesinde galk ve merâfıkı başka menzilde iskâna ta‘ahhüd ve mezbûre Habibe râziye olup bu vechile beynleri tevfîk olunduğu bi’l-iltimâs huzûr-ı âlîlerine i‘lâm olundu. Fî 15 min-C sene 1204