Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 150 Hüküm no: 57 Orijinal metin no: [6a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma Hatun’a boşandığı kocası İbrahim’in mehir bedelini ve nafakasını ödenmesi Ma‘rûz Medîne-i Üsküdar’da Kefçe mahallesinde sâkine mu‘arrefetü’z-zât Fatıma bt. eş-Şeyh Hüseyin nâm hatun medîne-i mezbûrede mahfil-i bâbda meclis-i şer‘-i hatîrde zevc-i mutallıkı es-Seyyid İbrahim b. es-Seyyid Ahmed mahzarında mezbûr es-Seyyid İbrahim elli guruş mehr-i müeccel tesmiyesiyle zevc-i dâhilim iken târih-i i‘lâm günü beni tatlîk etmekle zimmetinde mütekarrir ve ma‘kūdün-aleyh olan meblağ-ı mezkûr elli guruş mehr-i müeccel hakkımı taleb ederim deyü da‘vâ ol dahi cevâbında ikrâr ü i‘tirâf edip mûcebince meblağ-ı mehr-i merkūm elli guruşun müdde‘iye-i mezbûreye edâsıyla mezbûr es-Seyyid İbrahim ba‘de’l-ilzâm müdde‘iye-i mezbûre Fatıma Hatun’u zevc-i mezbûr ile nafaka-i iddet-i mu‘ayyene ve meûnet-i süknâsı’çün on üç guruş üzerine terâzî eyledikleri bi’l-iltimâs huzûr-ı âlîlerine i‘lâm olundu. Fî 12 min-C sene 1204