Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 152 Hüküm no: 59 Orijinal metin no: [6a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Derviş Seyyid Lütfullah’ı darp edip hakaretler eden Derviş Ali’nin cezalandırılması Ma‘rûz Medîne-i Üsküdar’da Debbâğlar mahallesinde sâkin Derviş es-Seyyid Lütfullah b. Salih medîne-i mezbûrede mahfil-i bâbda meclis-i şer‘-i hatîrde Derviş Ali b. Mustafa mahzarında mezbûr Derviş Ali târih-i i‘lâmdan iki gün mukaddem mahalle-i mezbûre sokağında bi-gayrı hakkın bıçak ile beni ihâfe ve duhân çubuğu ile darb ve elfâz-ı kabîha ile şetm ve ırzımı hetk etmekle mûcibini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını es-Seyyid İbrahim b. Mustafa ve Mustafa Ağa b. Ali nâm kimesneler şehâdetleriyle vech-i şer‘î üzere muvâcehesinde isbât etmeğin mûcebiyle mezbûr Derviş Ali’ye şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 18 min-C sene 1204