Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 153 Hüküm no: 61 Orijinal metin no: [6b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Ayşe’nin Fatma ile oğlu Mahmud’a verdiği borç karşılığında rehin aldığı evin rehniyetten kurtarılarak borçlarını ödemeleri için Fatma ve oğlu Mahmud’a tenbihatta bulunulduğu Ma‘rûz Medîne-i Üsküdar’da Reis mahallesinde sâkine mu‘arrefetü’z-zât Şerife Âişe bt. İbrahim nâm hatun medîne-i mezbûrede mahfil-i bâbda meclis-i şer‘-i hatîrde kezâlik şahsı mu‘arrefe Fatıma bt. Mahmud nâm Kıbtiye ile kebîr oğlu Mahmud b. Ahmed nâm Kıbtî muvâcehelerinde işbu bin iki yüz bir senesi mâh-ı Ramazan-ı şerîf’in üçüncü günü târihiyle müverrah yedimde olan bir kıt‘a istiğlâl hücceti nâtık olduğu üzere mezbûrân Fatıma ve Mahmud medîne-i mezbûrede Solaksinan [mahallesinde] vâki‘ ma‘lûmü’l-hudûd ve’l-müştemilât ale’l-iştirâki’s-seviyy bir bâb mülk menzilleri bi-tarîki’l-istiğlâl iki yüz guruşa bana bey‘ ve teslîm ben dahi ber-vech-i muharrer iştirâ ve tesellüm ve kabûl etmiş idim hâlâ menzil-i mezkûru rehniyetden fek ve meblağ-ı merkūm iki yüz guruşu bana teslîme tenbîh olunmak matlûbumdur deyü da‘vâ onlar dahi cevâblarında ber-vech-i muharrer ikrâr ve i‘tirâf etmeğin mûcebiyle meblağ-ı merkūm iki yüz guruşun müdde‘iye-i mezbûra edâsıyla mezbûrân Fatıma ve Mahmud’dan herbiri şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 14 min-C sene 1204