Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 159 Hüküm no: 73 Orijinal metin no: [7b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Birbirilerine nâmahrem oldukları halde bir arada yakalananların cezalandırılmaları Ma‘rûz Medîne-i Üsküdar’da Aşcıbaşı mahallesinde vâki‘ Kuyubaşı nâm mahâlde târih-i i‘lâm gecesi icrâ-yı fısk için cem‘ oldukları hâlde medîne-i mezbûre ustası ma‘rifetiyle ahz ve meclis-i şer‘a ihzâr olunan Emine bt. Hüseyin ve Hadice bt. Ömer nâm avratlar ile kendilere nâ-mahrem ve ecnebî olan İsmail b. Halil ve Ömer b. Hasan nâm kimesneler istintâk olunduklarında mezbûrûndan herbiri birbirilerine nâ-mahrem olup bir mahâlde bulunduklarını ikrâr ve mezbûrûndan herbirine ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 24 min-C sene 1204