Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 165 Hüküm no: 85 Orijinal metin no: [8b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Devatizade Şeyh Mustafa Efendi nukud vakfından Osman Ağa’nın borç aldığı Ma‘rûz Medîne-i Üsküdar’da vâki‘ merhûm Devâtîzâde eş-Şeyh Mustafa Efendi nâm sâhibü’l-hayrın nukūd-ı mevkūfesinin hâlâ mütevellîsi İsmail Ağa b. Abdullah tarafından vekîl-i müseccel-i şer‘îsi ve vakf-ı mezbûrun câbîsi Molla Mustafa b. Hasan nâm kimesne medîne-i mezbûrede mahfil-i bâbda meclis-i şer‘-i hatîrde Osman Ağa b. Hüseyin mahzarında mezbûr Osman Ağa târih-i i‘lâmdan on ay mukaddem mâl-ı vakıfdan olmak üzere müvekkilim mezbûr yedinden bi-tarîki’l-karz istidâne ve kabz ve kendi umûruna sarfla istihlâk eylediği dört yüz guruş deyni mukābelesinde medîne-i mezbûrede Bulgurlu mahallesinde vâki‘ ber-mûceb-i temessük bir bâb vakf menzilini müvekkilim mezbûr İsmail Ağa’ya bâ-ma‘rifet-i mütevellî vefâen ferâğ ve tefvîz ol dahi tefevvüz ve kabûl eyledikden sonra müvekkilim mezbûr menzil-i mezkûru beher şehr beşer guruş ücret kavliyle ba‘de’t-tahliye ve’t-takābuz mezbûr Osman Ağa’ya îcâr ve teslîm ol dahi ber-vech-i muharrer istîcâr ve kabûl etmekle menzil-i mezkûru rehniyetden fek birle asıl mâl-ı merkūm dört yüz guruş ile menzil-i mezkûr ücretinden işbu târih-i i‘lâma gelince on aylık mezbûr Osman Ağa zimmetinde müctemi‘ olan elli guruş ki cem‘an dört yüz elli guruşu bi’l-vekâle taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm dört yüz elli guruşun müvekkil-i mezbûr için vekîl-i mezbûra edâsıyla mezbûr Osman Ağa şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî gurrei B sene 1204