Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 170 Hüküm no: 92 Orijinal metin no: [9b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yağhanede yakalanarak para cezasına çarptırılan Bakkal Gavril’in verdiği cezayı yağhane sahibi Anderya’nın ödemesi talebiyle açtığı davanın reddedildiği Ma‘rûz Medîne-i Üsküdar’da Dârü’s-sa‘âdeti’ş-şerîfe Ağa Çeşmesi kurbünde mütemekkin Bakkāl Gavril v. Toma nâm zimmî medîne-i mezbûrede [mahfil-i] bâbda meclis-i şer‘-i hatîrde medîne-i mezbûrede Balaban İskelesi kurbünde vâki‘ yağhânede Yağcı Anderya v. Todori nâm zimmî muvâcehesinde târih-i i‘lâmdan elli üç gün mukaddem gāib ani’l-meclis Simyon nâm zimmînin yağhâne-i mezkûrede akçesi sirka olunup merkūm Anderya zimmîye üstâd ol dahi yağhâne-i mezkûreye beni bırakıp firâr edip ben dahi yağhânede mütemekkin iken bostancıbaşı siz yağcısız deyü beni ahz ve bi-gayrı hakkın habsedip seksen iki guruşumu tecrîm edip merkūm Yağcı Anderya zimmî yağhâne-i mezkûrede bırakdığına binâen tecrîm olmamla meblağ-ı merkūm seksen iki guruşu merkūm Yağcı Anderya zimmîden taleb ederim deyü takrîri üzere eylediği da‘vâ-yı nâ-meşrû‘asına iltifât olunmadığı bi’l-iltimâs huzûr-ı âlîlerine i‘lâm olundu. Fî 12 min-Receb sene 1204