Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 174 Hüküm no: 97 Orijinal metin no: [10a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yağcı Mustafa’ya borcu olan Maroke v. Tomas’ın borcunu ödemesi Ma‘rûz Mahrûse-i Galata muzâfâtından Tophâne kasabasında sâkin Yağcı Mustafa b. Ali nâm kimesne medîne-i Üsküdar’da mahfil-i bâbda meclis-i şer‘-i hatîrde Maroke v. Tomas nâm zimmî muvâcehesinde merkūm Maroke zimmî târih-i i‘lâm senesi Rebî‘ülevvel’inin yedinci günü târihiyle müverrah deyn temessükü mantûkunca yedimden iktirâz ve kabz ve umûruna sarfla istihlâk eylediği yetmiş altı guruş hakkımı taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm yetmiş altı guruşun edâsıyla merkūm Maroke zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 16 min-Receb sene 1204