Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 176 Hüküm no: 102 Orijinal metin no: [10b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Baryam v. Hayim’in Sava v. Mestan’a olan borcunu ödemesi Ma‘rûz Mevâdd-ı şer‘iye istimâ‘ı’çün kıbel-i şer‘-i şerîfden meb‘ûs Mustafa Efendi dâ‘îleri medîne-i Üsküdar’a tâbi‘ Kuzguncuk karyesine varıp mazbûtü’l-esâmî Müslimîn huzûrlarında akd-i meclis-i şer‘-i şerîf ettikde karye-i mezbûre mütemekkinlerinden Sava v. Mestan nâm Yahûdî meclis-i ma‘kūd-ı mezkûrda Baryam v. Hayim Yahûdî muvâcehesinde merkūm Baryam târih-i i‘lâmdan üç ay mukaddem mâlımdan ve yedimden iktirâz ve kabz ve umûruna sarfla istihlâk eylediği yirmi beş guruş hakkımı taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm Sava Yahûdî ber-vech-i muharrer müdde‘âsını Hayim v. Mayer ve Samail v. Avram nâm Yahûdîler şehâdetleriyle muvâcehesinde vech-i şer‘î üzere isbât etmeğin mûcebiyle meblağ-ı merkūm yirmi beş guruşu müdde‘î-i merkūma edâ ve teslîme merkūm Baryam Yahûdî’ye şer‘an tenbîh olunduğu ba‘de’l-inhâ huzûr-ı âlîlerine i‘lâm olundu. Fî 26 min-B sene 1204