Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 184 Hüküm no: 116 Orijinal metin no: [11b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Akkâm Hacı Hasan’a borcu olan diğer Hacı Hasan’ın borcunu ödemesi için tenbihte bulunulduğu Ma‘rûz Medîne-i Üsküdar’da akkâm tâifesinden el-Hâc Hasan b. el-Hâc Ahmed medîne-i mezbûrede mahfil-i bâbda meclis-i şer‘-i hatîrde diğer el-Hâc Hasan b. el-Hâc Abdullah mahzarında mezbûr el-Hâc Hasan bin iki yüz üç senesi Recebi’l-ferd’in onuncu günü târihiyle müverrah işbu yedimde olan bir kıt‘a deyn temessüğü nâtık olduğu üzere yedimden istidâne ve kabz ve umûruna sarfla istihlâk eylediği cihet-i karzdan elli guruş hakkımın on beş guruşunu yedinden ahz ü kabz ve otuz beş guruş zimmetinde hakkım bâkī kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm otuz beş guruşun müdde‘î-i mezbûra edâsıyla mezbûr el-Hâc Hasan şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 16 min-B sene 1204