Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 184 Hüküm no: 117 Orijinal metin no: [11b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nikola v. Dimitri’ye ekmek bedelinden borcu olan Manol’un borcunu ödemesi Ma‘rûz Mevâdd-ı şer‘iye istimâ‘ı’çün kıbel-i şer‘-i şerîfden meb‘ûs Abdullah Efendi dâ‘îleri medîne-i Üsküdar’a tâbi‘ Kuzguncuk karyesine varıp mazbûtü’l-esâmî Müslimîn huzûrlarında akd-i meclis-i şer‘-i şerîf ettikde karye-i mezbûrede mütemekkin Nikola v. Dimitri meclis-i ma‘kūd-ı mezkûrda Manol v. Yakomi nâm zimmî muvâcehesinde târih-i i‘lâmdan üç ay mukaddem merkūm Manol zimmî yedimden iştirâ ve kabz eylediği francala ekmeği semeninden yetmiş altı guruş hakkımı hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm yetmiş altı guruşun edâsıyla merkūm Manol zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 3 min-Ş sene 1204