Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 186 Hüküm no: 120 Orijinal metin no: [12a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manav Mehmed’in ahaliye narhından fazla fiyata nar sattığından cezalandırılması Ma‘rûz Medîne-i Üsküdar’da Büyükhamam kurbünde Manav Mehmed b. Mustafa nâm kimesne dükkânında ibâdullâha bey‘ eylediği enâr-ı şîrinin beher vakıyyesi yirmişer akçeye bey‘ olunmak üzere bâ-hatt-ı hümâyûn-ı şevket-makrûn narh verilmiş iken târih-i i‘lâm günü enâr-ı mezkûru narh-ı mezkûrdan beher vakıyyesinde onar akçe ziyâdeye ibâdullâha bey‘ ve bu vechile hilâf-ı hatt-ı hümâyûn ibâdullâhı ızrâr eylediği meclis-i şer‘de ikrârıyla sâbit olmağın mezbûr Mehmed’in hakkında iktizâ eden ta‘zîri re’y-i âlîlerine menût olunduğu ma‘lûm-ı devletleri buyuruldukda emr ü fermân hazret-i veliyyü’l-emrindir. Fî 10 min-Ş sene 1204