Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 187 Hüküm no: 122 Orijinal metin no: [12a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail b. Hacı Halil’in, kendisini yaralayan katırın sahibi Artin’e açtığı davada sulh oldukları Ma‘rûz Medîne-i Üsküdar’a muzâfe Kartal nâhiyesinde sâkin İsmail b. el-Hâc Halil nâm kimesne medîne-i mezbûrede mahfil-i bâbda meclis-i şer‘-i hatîrde Artin v. Kogas nâm zimmî muvâcehesinde merkūm Artin zimmî târih-i i‘lâmdan bir gün mukaddem ba‘de’l-asr yedinde olan bir res bârgirini nâhiye-i mezbûrede tarîk-ı âmda vâki‘ meygede kapısı halkasına rabt edip ben dahi tarîk-ı mezkûrdan mürûr ederken bârgir-i merkūm kıç ayağıyla benim sağ elimi depip hınsır ve binsır parmaklarımı kesr etmekle mûcib-i şer‘îsini taleb ederim deyü eylediği cerh da‘vâsından on guruş bedel-i makbûza sulh olup cerh-i mezkûra ve mâ-yuhdesü-minhe müte‘allıka âmme-i de‘âvîden merkūm Artin zimmînin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 11 min-Ş sene 1204