Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 194 Hüküm no: 136 Orijinal metin no: [13a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Azize Hatun’un evinin duvarını yaparken yaralanan Duvarcı Nikola’nın kaza ile yaralandığının tespit edildiği Ma‘rûz Bi’l-iltimâs kıbel-i şer‘-i şerîfden meb‘ûs Ali Efendi dâ‘îleri medîne-i Üsküdar’a tâbi‘ Çenger karyesinde sâkine Aziz[e] nâm hatunun menziline varıp akd-i meclis-i şer‘-i şerîf ettikde duvarcı tâifesinden Yorgi v. Lazo nâm zimmî meclis-i ma‘kūd-ı mezkûrda bast-ı kelâm edip li-ebeveyn er karındaşım Nikola nâm zimmî târih-i i‘lâm günü mezbûre Azize Hatun’un menzilinin bağçesi duvarını ücret ile müceddeden binâ ve inşâ eder iken bi-kazâillâhi te‘âlâ menzil-i mezkûrun ocağı yıkılıp karındaşım merkūmun başının sol tarafı üzerine isâbet ve cerh etmekle kıbel-i şer‘den keşfolunmak matlûbumdur dedikde mazbûtü’l-esâmî Müslimîn ile a‘zâsına nazar eylediklerinde fi’l-hakīka merkūm Nikola’nın başının sol üzerinden bir yerinden başı meşcûc idiği ba‘de’l-keşf ve’l-mu‘âyene vâki‘ hâli mezbûr dâ‘îleri mahâllinde ketb ü tahrîr ve ma‘an meb‘ûs ümenâ-i şer‘le meclis-i şer‘a gelip alâ-vukū‘ihî inhâ eylediği bi’l-iltimâs huzûr-ı âlîlerine i‘lâm olundu. Fî 17 min-Ş sene 1204