Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 201 Hüküm no: 149 Orijinal metin no: [14a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tüfekle vurulup vefat eden Kalyoncu Seyyid Ali’nin muayenesinin yapılarak defnine izin verildiği Ma‘rûz Sâdır olan fermân-ı âlîlerine imtisâlen kıbel-i şer‘-i şerîfden meb‘ûs Mehmed Efendi dâ‘îleri ve izzetlü bostancıbaşı ağa tarafından müte‘ayyin Çukadâr İsmail ve Donanma-yı hümâyûn başağası Mustafa Ağa ve sâir mazbûtü’l-esâmî Müslimîn ile medîne-i Üsküdar’da Bülbülderesi nâm mahâlde Köprübaşı’nda tarîk-ı âmda tüfenk kurşunuyla cerîhan vefât eden Kalyoncu es-Seyyid Ali’nin üzerine varıp a‘zâsına nazar eylediklerinde fi’l-hakīka mezbûr es-Seyyid Ali sağ tarafı boş böğrü üzerinden kurşun yarasıyla mecrûhan vefât eylediğini ba‘de’l-keşf ve’l-mu‘âyene defne izin birle vâki‘ hâli mezbûr dâ‘îleri mahâllinde ketb ü tahrîr ve ümenâ-i şer‘le meclis-i şer‘a gelip alâ-vukū‘ihî inhâ eylediği bi’l-iltimâs huzûr-ı âlîlerine i‘lâm olundu. Fî 4 min-N sene 1204