Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 202 Hüküm no: 151 Orijinal metin no: [14b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeliha bt. İsmail’e borcu olan Ali b. Said’in borcunu ödemesi Ma‘rûz Medîne-i Üsküdar’da Kādıasker mahallesinde sâkine ve zâtı mu‘arrefe Zeliha bt. İsmail nâm hatun medîne-i mezbûrede mahfil-i bâbda meclis-i şer‘-i hatîrde dâmâdı Ali b. Said nâm kimesne mahzarında mezbûr Ali bundan akdem mâlımdan ve yedimden bâ-temessük iktirâz ve kabz ve umûruna sarfla istihlâk eylediği kırk guruş hakkımın on guruşunu yedinden ahz ve istifâ ve otuz guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihî meblağ-ı bâkī-i merkūm otuz guruşun edâsıyla mezbûr Ali şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 5 min-N sene 1204