Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 206 Hüküm no: 158 Orijinal metin no: [15a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Musa b. Süleyman’ın, kendisine ait eşyalarını vermesi için hanımı Hatice bt. Mehmed’e açtığı davayı ispat edemediği Ma‘rûz Medîne-i Üsküdar’da Vâlide-i Atik mahallesinde sâkin Musa b. Süleyman nâm kimesne medîne-i mezbûrede mahfil-i bâbda meclis-i şer‘-i hatîrde zevcesi mu‘arrefetü’z-zât Hadice bt. Mehmed [nâm] hatun mahzarında eşyâ-i memlûkemden mecmû‘-ı kıymetleri otuz üç guruşa bâliğ üç orta keçesi ve iki Yanbolu kebesi ve bir döşek ve bir siyâh aba mak‘ad ve sekiz yasdık ve bir nuhâs maşraba ve üç cedîd yağlık ve iki çevre ve üç hilâlî gömleğimi zevcem mezbûre Hadice Hatun fuzûlî menzilinde ihtifâ edip bana teslîm etmemekle suâl olunup mevcûd ise a‘yânını müstehleke ise kıymetleri olan meblağ-ı merkūm otuz üç guruşu taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr Musa ber-vech-i muharrer müdde‘âsını beyândan ızhâr-ı acz edip talebiyle mezbûre Hadice Hatun gıbbe’t-tahlîfi’ş-şer‘î mûcebiyle müdde‘î-i mezbûr Musa da‘vâ-yı mezkûresiyle zevcesi mezbûre Hadice Hatun’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 22 min-Ş sene 1204