Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 207 Hüküm no: 160 Orijinal metin no: [15a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ziso v. Anderya’nın kiracısı olan Panayot’un birikmiş kira bedelini ödeyerek evi tahliye etmesi Ma‘rûz Medîne-i Üsküdar’a tâbi‘ Kuzguncuk karyesinde mütemekkin Ziso v. Anderya nâm zimmî medîne-i mezbûrede mahfil-i bâbda meclis-i şer‘-i hatîrde Panayot v. Badise nâm zimmî muvâcehesinde merkūm Panayot zimmî karye-i mezbûrede vâki‘ ma‘lûm bir bâb menzilimde beher şehr üçer guruş ücret tesmiyesiyle müste‘cirim olup menzil-i mezkûr ücretinden işbu târih-i i‘lâm şehri gāyetine gelince altı aylık zimmetinde müctemi‘a olan on sekiz guruş hakkım ile gāyet-i şehr-i mezkûrda fesh-i icâre birle menzil-i mezkûru tahliye ve bana teslîme tenbîh olunmak matlûbumdur deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm on sekiz guruş gāyet-i şehr-i mezkûrda menzil-i mezkûru tahliye ve müdde‘î-i merkūma teslîme merkūm Panayot zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 29 min-Ş sene 1204