Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 210 Hüküm no: 168 Orijinal metin no: [15b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. İbrahim ile hanımı Rahime’nin kendilerine hakaret ve küfredenler hakkında açtıkları davadan vazgeçtikleri Ma‘rûz Medîne-i Üsküdar’da Hasanağa mahallesi sükkânından Mustafa b. İbrahim ve zâtı mu‘arrefe Rahime bt. Salih nâm zevcân medîne-i mezbûrede mahfil-i bâbda meclis-i şer‘-i hatîrde kezâlik zâtı mu‘arrefe Zeyneb [bt.] Ali ve kızı Hafize bt. Mehmed nâm hatunlar mahzarlarında mezbûretân Zeyneb ve Hafize’den herbiri târih-i i‘lâm günü mahalle-i mezbûrede bi’l-muvâcehe bize elfâz-ı kabîha ile şetm ve ırzımızı hetk etmeleriyle mûcib-i şer‘îsini mezbûretândan taleb ederiz deyü ba‘de’d-da‘vâ ve’l-istintâk ve’l-inkâr müdde‘î-i [zev]cân-ı mezbûrân müdde‘âlarını beyân esnâsında beynlerine muslihûn tavassut edip eyledikleri ta‘zîr da‘vâsından herbiri meccânen fâriğ olup hakk-ı ta‘zîrlerine ve bi’l-cümle husûs-ı mezkûra müte‘allika âmme-i de‘âvîden mezbûretân Zeyneb ve Hafize’den herbirinin zimmetlerini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 13 min-Ş sene 1204