Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 212 Hüküm no: 174 Orijinal metin no: [16a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keresteci Seyyid İsmail’e borcu olan Haron’un borcunu ödemesi Ma‘rûz Medîne-i Üsküdar’da Balaban İskelesi’nde keresteci dükkânında sâkin es-Seyyid İsmail b. Memiş nâm kimesne medîne-i mezbûrede mahfil-i bâbda meclis-i şer‘-i hatîrde Haron v. Yaşova nâm zimmî mahzarında merkūm Haron bundan akdem yedimden ve mâlımdan iştirâ ve kabz eylediği fiyâtı beynimizde ma‘lûm ve ma‘lûmü’l-aded ecnâs kereste semeninden üç yüz on guruş hakkımın yüz kırk guruşunu yedinden ahz ve yüz yetmiş guruşu hâlâ zimmetinde bâkī kalmağla taleb ederim deyü da‘vâ ve merkūm Haron zimmî cevâbında semen-i mezkûrdan meblağ-ı bâkī-i merkūm yüz yetmiş guruş deyni olduğunu ikrâr lâkin meblağ-ı merkūmun üç guruşunu kendiye def‘ ü teslîm etmiş idim deyü ba‘de’d-def‘ ve’l-inkâr dâfi‘-i merkūm ber-vech-i muharrer def‘ini beyâna ba‘de’l-havâle merkūm Haron zimmî mertebe-i ikrârı olan meblağ-ı bâkī-i merkūm yüz altmış yedi guruşun müdde‘î-i mezbûr es-Seyyid İsmail’e edâsıyla merkūm Haron zimmî ilzâm olunduğu bi’l-iltimâs huzûr-ı âlîlerine i‘lâm olundu. Fî 26 min-Ş sene 1204