Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 213 Hüküm no: 175 Orijinal metin no: [16a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal İstori’nin dişine zarar veren Molla Mustafa’ya dişin iyileşmesinden sonra ceza verileceği Ma‘rûz Vech-i âtî üzere meşcûc idiği lede’l-keşf ve’l-mu‘âyene zâhir olan medîne-i Üsküdar’da Doğancılar’da Bakkāl İstori v. Anaştaş nâm zimmî medîne-i mezbûrede mahfil-i bâbda meclis-i şer‘-i hatîrde Molla Mustafa b. Mehmed nâm kimesne mahzarında mezbûr Molla Mustafa târih-i i‘lâm günü dükkânım önünde bi-gayrı hakkın terâzî ile ağzıma darb ve şec ve darbından nâşi ağzımın hânek-i a‘lâsında seniyye ta‘bîr olunur iki aded beyaz dişime vehn gelmekle mûcib-i şer‘îsini mezbûr Molla Mustafa’dan taleb ederim deyü ba‘de’d-da‘vâ ve’l-istintâk ve’l-ikrâr şecc-i mezkûrun mûcib-i şer‘îsi ber’-i tam husûlüne tevkīf olunduğu bi’l-iltimâs huzûr-ı âlîlerine i‘lâm olundu. Fî 28 min-N (Ramazan) sene 1204