Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 220 Hüküm no: 190 Orijinal metin no: [17a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keresteci Hacı Memiş’ten satın aldığı kerestelerden borcu kalan Karabet v. Kogas’ın borcunu ödemesi Ma‘rûz Medîne-i Üsküdar’da Kefçe mahallesinde sâkin Keresteci el-Hâc Memiş b. Ahmed nâm kimesne medîne-i mezbûrede mahfil-i bâbda meclis-i şer‘-i hatîrde Karabet v. Kogas nâm zimmî muvâcehesinde merkūm Karabet zimmî bundan akdem yedimden ve mâlımdan iştirâ ve kabz eylediği ecnâs kereste semeninden bâkī yüz yirmi sekiz guruş hakkım merkūm Karabet zimmî zimmetinde kalmağın hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm yüz yirmi sekiz guruşun müdde‘î-i mezbûr el-Hâc Memiş’e edâsıyla merkūm Karabet zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 10 min-L sene 1204