Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 226 Hüküm no: 199 Orijinal metin no: [18a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Beşe’nin borç verip evini rehin aldığı Fatma bt. Hüseyin’in borcunu ödemesi ve İsmail Beşe’nin de evi Fatma’ya teslim etmesi Ma‘rûz Medîne-i Üsküdar’da Aşcıbaşı mahallesinde sâkin İsmail Beşe b. el-Hâc Hüseyin medîne-i mezbûrede mahfil-i bâbda meclis-i şer‘-i hatîrde mu‘arrefetü’z-zât Fatıma bt. Ahmed nâm hatun mahzarında mezbûre Fatıma Hatun işbu bin iki yüz dört senesi Cemâziyelevvel’inin yirmi dokuzuncu günü târihiyle müverrah işbu yedimde olan bir kıt‘a hüccet nâtık olduğu üzere yedimden istikrâz ve kabz ve umûruna sarfla istihlâk eylediği altmış beş guruş deyni mukābelesinde Nerdubânlı karyesinde vâki‘ ma‘lûmü’l-hudûd ve’l-müştemilât bir bâb mülk menzilini bi-tarîki’l-vefâ bana rehn vaz‘ ve teslîm etmekle menzil-i mezkûru rehniyetden ba‘de’l-fekk meblağ-ı merkūm altmış beş guruşu hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm altmış beş guruşu müdde‘î-i mezbûra edâ ve teslîme mezbûre Fatıma Hatun’a ve menzil-i mezkûru rehniyetden fekke mezbûr İsmail Beşe’den herbirine tenbîh olunduğu bi’l-iltimâs huzûr-ı âlîlerine i‘lâm olundu. Fî 21 min-Ş sene 1204