Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 229 Hüküm no: 204 Orijinal metin no: [18b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Ahmed’in kaybolan atını elinde bulunduran Canbaz Mehmed’in atı iadesi Ma‘rûz Medîne-i Üsküdar’da Debbâğlar mahallesinde sâkin es-Seyyid Ahmed b. es-Seyyid Mustafa nâm kimesne medîne-i mezbûrede mahfil-i bâbda meclis-i şer‘-i hatîrde zikri âtî ata vâzı‘ü’l-yed olan Canbaz Mehmed b. Hüseyin muvâcehesinde işbu mu‘âyene olunan [bir] re’s kır at yedimde mülküm iken târih-i i‘lâmdan on ay mukaddem Vilâyet-i Rumeli’nde Beştepeler nâm mahâlde yedimden zâyi‘ olup mezbûr Mehmed yedinde bulmamla bi’l-istihkāk hâlâ taleb ederim deyü da‘vâ ol dahi cevâbında zikr olunan atı gāib ani’l-meclis el-Hâc Mehmed Emin nâm kimesneden târih-i i‘lâmdan bir buçuk ay mukaddem seksen guruşa iştirâ etmiş idim deyü sâlifü’z-zikr ata vaz‘-ı yedini ikrâr lâkin müdde‘î-i merkūmun mülkü olduğunu inkâr etmeğin müdde‘î-i merkūm ber-vech-i muharrer müdde‘âsını udûlden Ali b. Mehmed ve Ahmed b. Ataullah nâm kimesneler şehâdetleriyle ber-nehc-i şer‘î mezbûr Mehmed muvâcehesinde ba‘de’l-isbât ve’l-half mûcebiyle zikr olunan atı müdde‘î-i merkūm es-Seyyid Ahmed’e teslîme mezbûr Mehmed’e tenbîh olunduğu bi’l-iltimâs huzûr-ı âlîlerine i‘lâm olundu. Fî 17 min-L sene 1204