Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 229 Hüküm no: 205 Orijinal metin no: [18b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Osman’ın eşi Ayşe bt. Mehmed’e nafaka vermesi gerektiği Ma‘rûz Medîne-i Üsküdar’da Selami mahallesinde sâkine mu‘arrefetü’z-zât Âişe bt. Mehmed nâm hatun medîne-i mezbûrede mahfil-i bâbda meclis-i şer‘-i hatîrde zevci es-Seyyid Osman b. Hüseyin mahzarında mezbûr Osman zevcim olup nafakamı rü’yet etmediğinden mâ‘adâ dâimâ firâr edip menzilime gelmemekle suâl olunup nafakamı rü’yete tenbîh olunmak matlûbumdur deyü da‘vâ ettikde ol dahi ikrâr ve fîmâ-ba‘d müdde‘iye-i mezbûrenin nafakasını rü’yete ta‘ahhüd ol dahi râziye olup ve bu vechile beynlerine [beynleri] tevfîk olunduğu bi’l-iltimâs huzûr-ı âlîlerine i‘lâm olundu. Fî 8 min-L sene 1204