Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 230 Hüküm no: 207 Orijinal metin no: [19a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mustafa’nın, ziraat ortakçısı olduğu Mustafa b. Ömer’deki mahsûl hissesinin verilmesi talebiyle açtığı davayı ispat edemediği Ma‘rûz Vilâyet-i Anadolu’da Çerkeş kazâsına tâbi‘ Sacak karyesi ahâlisinden olup medîne-i Üsküdar’da Bulgurlu mahallesinde sâkin es-Seyyid Mustafa b. Mustafa nâm kimesne medîne-i mezbûrede mahfil-i bâbda meclis-i şer‘-i hatîrde Mustafa b. Ömer mahzarında mezbûr Mustafa târih-i i‘lâmdan yedi sene mukaddem tarla ile tohum benim ve öküz ile amel mezbûr Mustafa’nın olup hâsıl olan mahsûl beynimizde münâsafaten taksîm etmek üzere akd-i müzâra‘a eylediğimizde ba‘de’l-amel yirmi beş keyl hınta ve yirmi keyl şa‘îr hâsıl olup benim hisseme isâbet eden on iki buçuk keyl hınta ve on keyl şa‘îri mezbûr Mustafa’dan taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâta kādir olamayıp talebiyle mezbûr Mustafa gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr Mustafa’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 25 min-Şevvâl sene 1204