Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 231 Hüküm no: 208 Orijinal metin no: [19a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Abdullah’ın, boşandığı kocası Seyyid Mehmed’in yanında olan küçük kızları Şerife Ümmügülsüm’ün kendisine iadesi talebiyle açtığı davada haklı bulunarak kızın annesine verilmesi Ma‘rûz Mahmiye-i İslâmbol’da Ayasofya-i Kebîr kurbünde sâkine mu‘arrefetü’z-zât Fatıma bt. Abdullah nâm hatun medîne-i Üsküdar’da mahfil-i bâbda meclis-i şer‘-i hatîrde zevc-i sâbıkı es-Seyyid Mehmed b. Ömer mahzarında mezbûr es-Seyyid Mehmed zevcim olup bundan akdem beni tatlîk etmekle zevcim mezbûrun firâşından hâsıla ve benden mütevellide takrîben üç buçuk yaşında olan sagīre kızım Ümmügülsüm’ün hakk-ı hidânesi benim iken teslîm etmeyip bi-gayrı hakkın imsâk etmekle suâl olunup kızım sagīre-i mezbûreyi bana teslîme tenbîh olunmak matlûbumdur deyü da‘vâ ol dahi cevâbında müdde‘iye-i mezbûrenin müdde‘âsı üzere sagīre-i mezbûreyi imsâk eylediğini ikrâr ü i‘tirâf etmeğin mûcebiyle kızı sagīre-i mezbûre Şerife Ümmügülsüm’ü vâlidesi müdde‘iye-i mezbûre Fatıma Hatun’a teslîme mezbûr es-Seyyid Mehmed’e şer‘an teslîme tenbîh olunduğu bi’l-iltimâs huzûr-ı âlîlerine i‘lâm olundu. Fî 27 min-L sene 1204