Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 237 Hüküm no: 220 Orijinal metin no: [19b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alçıcı Norsis ile Hasan’ın beygirlerini becayiş ettikten sonra anlaşmayı bozarak tekrar beygirlerini birbirilerine iade ettikleri Ma‘rûz Medîne-i Üsküdar’da Ayaz[ma] mahallesinde vâki‘ Alçıhâne’de mütemekkin Alçıcı Norsis v. Kiragos nâm zimmî medîne-i mezbûrede mahfil-i bâbda meclis-i şer‘-i hatîrde Hasan b. Mustafa mahzarında târih-i i‘lâmdan bir gün mukaddem emlâkımdan bir re’s atım ile mezbûr Hasan’ın bir re’s al bârgirini bi-tarîki’l-mukāyaza iştirâ ve herbirimiz kabz etmişidik lâkin beynimizde olan akdi bi’t-terâzî fesh ve ikāle ve bârgir-i merkūmu mezbûr Hasan’a redd ü teslîm eylediğimde ol dahi zikr olunan atımı bana redd ü teslîm edip herbirimiz kabz ve kabûl eyledik deyü müdde‘î-i merkūm Norsis zimmînin takrîrini mezbûr Hasan tasdîk edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 3 min-L sene 1204