Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 237 Hüküm no: 221 Orijinal metin no: [20a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. İbrahim’in, Galata Voyvodası Mehmed Ağa’daki aşçılık hizmetinden dolayı alacağının verilmesi talebiyle Hacı Selim’e açtığı davanın reddedildiği Ma‘rûz Medîne-i Üsküdar’da Arakıyeci el-Hâc Mehmed mahallesinde sâkin Ahmed b. İbrahim nâm kimesne medîne-i mezbûrede mahfil-i bâbda meclis-i şer‘-i hatîrde Galata Voyvodası es-Seyyid Mehmed Ağa’nın hizmetkârı el-Hâc Selim b. Abdullah nâm kimesne mahzarında bundan akdem mezbûr es-Seyyid Mehmed Ağa’nın aşçılık hizmetinde beher şehr kırkar guruş ücret tesmiyesiyle iki ay hizmet etmemle şühûr-ı mezkûrede mezbûr es-Seyyid Mehmed Ağa zimmetinde müctemi‘a olan seksen guruşu mezbûr es-Seyyid Mehmed Ağa bana vermeyip mücerred mezbûr el-Hâc Selim hizmetkârı olduğuna binâen meblağ-ı merkūm seksen guruşu taleb ederim deyü takrîri üzere tasaddî eylediği da‘vâ-yı gayr-ı meşrû‘asına iltifât olunmadığı bi’l-iltimâs huzûr-ı âlîlerine i‘lâm olundu. Fî [29] L sene 1204