Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 241 Hüküm no: 229 Orijinal metin no: [20b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sadullah b. Mustafa’nın, hizmetini gördüğü Süleyman b. Hacı Mehmed’de alacağı olduğu iddiasıyla açtığı davayı ispat edemediği Ma‘rûz Mahmiye-i İslâmbol’da Sultan Bâyezid kurbünde sâkin Sadullah b. Mustafa medîne-i Üsküdar’da mahfil-i bâbda meclis-i şer‘-i hatîrde Süleyman b. el-Hâc Mehmed mahzarında mezbûr Süleyman’ın talebiyle beşer guruş ücret kavliyle on ay kendiye hizmet etmemle şühûr-ı mezkûrede müctemi‘a olan altmış guruş ücretimi taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâtdan ızhâr-ı acz birle bi’t-taleb mezbûr Süleyman gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr Süleyman’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 7 min-Za sene 1204