Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 243 Hüküm no: 232 Orijinal metin no: [20b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nalband Mehmed’in kiraya verdiği beygirinin sağ arka ayağını kestiği iddiasıyla Seyyid Halil’e açtığı davayı ispat edemediği Ma‘rûz Medîne-i Üsküdar’da Solaksinan [mahallesinde] sâkin Na‘lband Mehmed b. Abdullah medîne-i mezbûrede mahfil-i bâbda meclis-i şer‘-i hatîrde es-Seyyid Halil b. Hüseyin mahzarında mezbûr es-Seyyid Halil târih-i i‘lâmdan sekiz gün mukaddem emlâkimden otuz beş guruş kıymetli bir re’s bârgirimi beher yevm otuz para ücret kavliyle yedimden istîcâr edip bârgir-i merkūmun sağ kıç ayağını kesr etmekle noksân-ı kıymetini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâta kādir olamayıp talebiyle mezbûr es-Seyyid Halil gıbbe’t-tahlîfi’ş-şer‘î mûcebiyle müdde‘î-i mezbûr da‘vâ-yı mezkûresiyle mezbûr es-Seyyid Halil’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 25 min-Za sene 1204