Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 245 Hüküm no: 236 Orijinal metin no: [21a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çoban Nikola’nın kefili olup ödemediği paranın verilmesi talebiyle açtığı davanın reddedildiği Ma‘rûz Medîne-i Üsküdar hâricinde Hamamlı Çiftliği’nde mütemekkin Çoban Nikola v. Begon nâm zimmî medîne-i mezbûrede mahfil-i bâbda meclis-i şer‘-i hatîrde Yorgi v. Visco nâm zimmî muvâcehesinde merkūm Yorgi zimmînin gāib ani’l-meclis Mahmud Ağa nâm kimesneye cihet-i deyn-i şer‘îden yetmiş dört guruş deyni olup târih-i i‘lâmdan bir sene mukaddem deyn-i mezkûra bi’l-emr ve’l-kabûl kefîl ve dâmin olmuş idim lâkin mezbûr Mahmud Ağa’ya deyn-i merkūmu ben edâ etmeyip mücerred kefâletime binâen meblağ-ı merkūm yetmiş dört guruşu merkūm Yorgi zimmîden taleb ederim deyü takrîr-i meşrûhu üzere kable edâi’d-deyn eylediği rücû‘ da‘vâsı meşrû‘a olmayıp merkūm Yorgi zimmî bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 6 min-Za sene 1204