Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 250 Hüküm no: 247 Orijinal metin no: [22a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Derede boğularak vefat eden Saray-ı cedid aşçıları Hacı Ali ve Mustafa’nın muayenelerinin yapılarak defnedilmelerine izin verildiği Ma‘rûz Sâdır olan fermân-ı âlîlerine imtisâlen kıbel-i şer‘den meb‘ûs Ali Efendi dâ‘îleri ve izzetlü bostancıbaşı ağa tarafından müte‘ayyin Çukadâr el-Hâc İsmail ve Kādı karyesi subaşısı ve sâir mazbûtü’l-esâmî Müslimîn ile medîne-i Üsküdar’a tâbi‘ mârrü’z-zikr Kādı karyesi hâricinde Taşköprü nâm mahâlde vâki‘ derede garîkan vefât eden Saray-ı cedîd aşçılarından el-Hâc Ali ve Mustafa nâm kimesnelerin üzerlerine varıp garîkan-ı mezbûrân el-Hâc Ali ve Mustafa târih-i i‘lâm günü ba‘de’z-zuhr gusül için sâlifü’z-zikr dereye girip bi-kazâillâhi te‘âlâ garîkan fevt olmalarıyla a‘zâlarına nazar olundukda eser-i cerh ve hank misillü nesne olmayıp ancak garîkan vefât eyledikleri ba‘de’l-keşf ve’l-mu‘âyene defnine izin birle vâki‘ hâli mezbûr dâ‘îleri mahâllinde ketb ü tahrîr ve ma‘an mürsel ümenâ-i şer‘le meclis-i şer‘a gelip alâ-vukū‘ihî inhâ eylediği çukadâr-ı merkūm iltimâsıyla huzûr-ı âlîlerine i‘lâm olundu. Fî 19 min-Za sene 1204