Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 251 Hüküm no: 248 Orijinal metin no: [22a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boğularak ölen Mıgırdıç’ın muayenesinin yapılarak defnedilmesine izin verildiği Ma‘rûz Sâdır olan fermân-ı âlîlerine imtisâlen kıbel-i şer‘-i şerîfden meb‘ûs kuzâtdan es-Seyyid Abdurrahman Efendi dâ‘îleri ve medîne-i Üsküdar bölükbaşısı ve subaşı ve sâir mazbûtü’l-esâmî Müslimîn ile medîne-i mezbûre civârında Öküz Limanı kurbünde sâhil-i bahrda târih-i i‘lâm günü deryâya girip bi-kazâillâhi te‘âlâ garîkan hâlik olan seridar? Mıgırdıç v. Begos zimmînin üzerine varıp a‘zâsına nazar olundukda eser-i cerh ve hank misillü nesne olmayıp ancak garîkan hâlik olduğunu ba‘de’l-keşf ve’l-mu‘âyene merkūmun lâşesini zîr-i hâke ilkāya izin birle vâki‘ hâli mezbûr dâ‘îleri mahâllinde ketb ü tahrîr ba‘dehû ümenâ-i şer‘le meclis-i şer‘-i şerîfe gelip alâ-vukū‘ihî inhâ eylediği izzetlü bostancıbaşı ağa tarafından müte‘ayyin olunan Çukadâr Mustafa kulları iltimâsıyla huzûr-ı âlîlerine i‘lâm olundu. Fî 20 min-Za sene 1204