Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 252 Hüküm no: 250 Orijinal metin no: [22a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeliha Hanım’ın, kefalet dolayısıyla dava ettiği Ayşe Hanım’ın mahkemeye davet edildiği halde icabet etmediği Ma‘rûz Sâhibe-i arzuhâl Zeliha Hanım’ın medîne-i Üsküdar’da Reis mahallesinde sâkine ve arzuhâlde ismi mezkûre Âişe nâm hatun ile derûn-ı arzuhâlde mastûr cihet-i kefâletden altı yüz kırk guruş da‘vâsı olup mezbûre Âişe Hatun’u li-ecli’l-mürâfa‘a meclis-i şer‘a ihzâr için mübâşir ta‘yîn olunan Ali Çavuş ve taraf-ı şer‘den Muhzır Memiş ve mahallesi imâmı Ahmed Efendi ile mezbûrenin menzili kapısına varıp bi’d-defa‘ât meclis-i şer‘a da‘vet eylediklerinde mezbûre Âişe Hatun ben meclis-i şer‘a gitmem deyü imtinâ‘ ve bir vechile itâ‘at-i şer‘-i şerîf etmediğini mezbûrûn İmâm Ahmed Efendi ve Ali Çavuş ve Muhzır Memiş’den herbiri meclis-i şer‘a gelip inhâ ve takrîr etmeleriyle mezbûre Âişe Hatun’un ber-vech-i muharrer adem-i itâ‘ati ma‘lûm-ı devletleri buyuruldukda emr ü fermân hazret-i veliyyü’l-emrindir. Fî 21 min-Za sene 1204